ஆட்டோமொபைல்

இந்திய ஆட்டோமொபைல் சந்தையில் முன்னணி கார் உற்பத்தியாளராக மாருதி சுசுகி நிறுவனம் விளங்குகிறது. இந்திய சந்தையில் அதிகம் விற்பனையாகும் கார் மாடல்களில் மாருதி நிறுவனத்தின் கார் மாடல்கள் ஆதிக்கம் செலுத்தி வருகின்றன. இந்த வரிசையில், மாருதி சுசுகி நிறுவனம் தனது கார் மாடலின் விற்பனை மைல்கல் குறித்த அறிவிப்பை வெளியிட்டுள்ளது.

அதன்படி கடந்த 2008-ஆம் ஆண்டு அறிமுகம் செய்யப்பட்ட மாருதி சுசுகி டிசையர் மாடல் விற்பையில் 30 லட்சம் யூனிட்கள் எனும் மைல்கல்லை கடந்து சாதனை படைத்துள்ளது. அறிமுகமானதில் இருந்து நீண்ட காலம் கடந்து வந்துள்ள காம்பேக்ட் செடான் மாடல் தற்போது மைல்கல் விற்பனையை கடந்துள்ளது.

இதுதவிர கடந்த 2025-ஆம் ஆண்டு அதிகம் விற்பனை செய்யப்பட்ட கார் மாடலாக மாருதி சுசுகி டிசையர் சாதனை படைத்துள்ளது. கடந்த ஆண்டில் மட்டும் மாருதி சுசுகி நிறுவனம் 2.14 லட்சம் யூனிட்களை விற்பனை செய்துள்ளது. மேலும், இந்த பிரிவில் அதிக மைலேஜ் வழங்கும் கார்களில் வாடிக்கையாளர்களின் முதன்மை தேர்வாகவும் மாருதி சுசுகி டிசையர் விளங்குகிறது. இந்த காரின் பெட்ரோல் மற்றும் சி.என்.ஜி. வேரியண்ட் விற்பனையில் நல்ல வரவேற்பை பெற்று வருகிறது.

தற்போது டிசையர் மாடல் நான்காவது தலைமுறையில் உள்ளது. இந்த கார் பெட்ரோல் மற்றும் சி.என்.ஜி. பவர்டிரெய்ன் ஆப்ஷன்களில் LXi, VXi, ZXi, மற்றும் ZXi பிளஸ் என நான்கு வேரியண்ட்களில் கிடைக்கிறது. இந்த கார் இந்திய சந்தையில் ரூ. 6.25 லட்சம் எனும் துவக்க விலையில் விற்பனை செய்யப்பட்டு வருகிறது.

திறன் வாய்ந்த பவர்டிரெய்ன் ஆப்ஷன்கள், மேம்பட்ட பாதுகாப்பு அம்சங்களுடன் இந்த கார் இந்திய சந்தையின் காம்பேக்ட் செடான் பிரிவில் தொடர்ந்து ஆதிக்கம் செலுத்தி வருகிறது.

சுசுகி நிறுவனம் தனது பிரபலமான ஸ்கூட்டர் மாடல்- பர்க்மேன் ஸ்டிரீட் EX மாடலின் புது நிற ஆப்ஷனை அறிமுகப்படுத்தி இருக்கிறது. அதன்படி சுசுகி பர்க்மேன் ஸ்டிரீட் EX வேரியண்ட் தற்போது முற்றிலும் புதிய பியர்ல் கிரேஸ் வைட் நிறத்திலும் விற்பனைக்கு கிடைக்கிறது. ஏற்கனவே இந்த ஸ்கூட்டர் மாடல்- மெட்டாலிக் ராயல் பிரான்ஸ் மற்றும் மெட்டாலிக் மேட் பிளாக் நம்பர் 2 என இரண்டு நிறங்களில் விற்பனை செய்யப்பட்டு வந்தது.

இந்த நிலையில், புதிதாக அறிமுகம் செய்யப்பட்டுள்ள பியர்ஸ் கிரேஸ் வைட் நிற ஆப்ஷனில் வெள்ளை மற்றும் சாம்பல் என இருவித நிறங்கள் சேர்ந்த எடிஷன் இளம் வாடிக்கையாளர்களை கவரும் என்று தெரிகிறது. நிறம் தவிர இந்த ஸ்கூட்டரின் மெக்கானிக்கல் அம்சங்களில் எந்த மாற்றமும் மேற்கொள்ளப்படவில்லை.

அதன்படி சுசுகி பர்க்மேன் ஸ்டிரீட் மாடலிலும் 124சிசி சிங்கிள் சிலிண்டர் என்ஜின் வழங்கப்பட்டு இருக்கிறது. இந்த யூனிட் 8.58 ஹெச்.பி. பவர், 10 நியூட்டன் மீட்டர் டார்க் இழுவிசையை வெளிப்படுத்துகிறது. இந்த ஸ்கூட்டரில் சுசுகி நிறுவனம் ஈகோ பெர்ஃபார்மன்ஸ் ஆல்ஃபா எனும் தொழில்நுட்பத்தை பயன்படுத்துகிறது. இது ஸ்கூட்டரின் செயல்திறனை மேம்படுத்தும்.

மேலும், இந்த ஸ்கூட்டரில் என்ஜின் ஆட்டோ ஸ்டாப்-ஸ்டார்ட் சிஸ்டம், சுசுகி ஈசி ஸ்டார்ட் மற்றும் சைலண்ட் ஸ்டார்ட்டர் போன்ற வசதிகள் வழங்கப்படுகின்றன. இவற்றுடன் ப்ளூடூத் வசதி கொண்ட டிஜிட்டல் எல்.சி.டி. கன்சோல் மற்றும் சுசுகி ரைடு கனெக்ட், எல்.இ.டி. லைட்டிங், 21.5 லிட்டர் அன்டர்-சீட் ஸ்டோரேஜ் வசதி வழங்கப்பட்டுள்ளது.

பர்க்மேன் ஸ்டிரீட் மாடலின் EX வேரியண்டில் மட்டும் 12-இன்ச் ரியர் வீல் வழங்கப்பட்டு இருக்கிறது. இந்த மாடல் இந்திய சந்தையில் தொடர்ந்து பிரபல ஸ்கூட்டர் மாடலாக விளங்குகிறது. சுசுகி பர்க்மேன் ஸ்டிரீட் EX மாடல் ரூ. 1,07,902 (எக்ஸ்-ஷோரூம்) ஆகும். இந்த ஸ்கூட்டர் நாடு முழுக்க சுசுகி விற்பனை மையங்களில் விற்பனைக்கு கிடைக்கிறது.

ஹோண்டா கார்ஸ் இந்தியா நிறுவனம் மார்ச் 2026-க்கான அதன் மாடல் வரம்பில் கவர்ச்சிகரமான சலுகைகளை அறிவித்துள்ளது. அதன்படி ஹோண்டா சிட்டி, எலிவேட், சிட்டி e-HEV மற்றும் அமேஸ் உள்ளிட்ட தேர்ந்தெடுக்கப்பட்ட மாடல்களில் அதிகபட்சம் ரூ.1.97 லட்சம் வரை தள்ளுபடி மற்றும் சலுகைகளைப் பெறலாம். இந்த சலுகைகள் மார்ச் 31 வரை செல்லுபடியாகும்.

இதில் ஹோண்டா சிட்டியின் ஹைப்ரிட் வேரியண்ட் மாடலுக்கு அதிகபட்சமாக ரூ.1.97 லட்சம் வரை தள்ளுபடி வழங்கப்படுகிறது. இந்த செடானின் விலை இந்திய சந்தையில் ரூ.19.99 லட்சத்தில் இருந்து எக்ஸ்-ஷோரூம் விலையில் தொடங்குகிறது.

ஹோண்டாவின் நடுத்தர அளவிலான எஸ்.யூ.வி.யான எலிவேட், ரூ. 1.81 லட்சம் வரை தள்ளுபடியுடன் கிடைக்கிறது. இந்த மாடல் தற்போது ரூ. 11.59 லட்சத்தில் இருந்து தொடங்குகிறது. இந்த கார் ஹூண்டாய் கிரெட்டா, ஸ்கோடா குஷாக், கியா செல்டோஸ், மாருதி சுசுகி விக்டோரிஸ் மற்றும் டொயோட்டா அர்பன் குரூயிஸர் ஹைரைடர் ஆகியவற்றுடன் போட்டியிடுகிறது.

இந்த மாதம், நிலையான சிட்டி செடான் மாடலின் பெட்ரோல் வேரியண்ட் ரூ. 1.56 லட்சம் வரை சலுகைகளைப் பெறுகிறது. சிட்டியின் விலை ரூ. 11.95 லட்சத்தில் (எக்ஸ்-ஷோரூம்) தொடங்குகிறது. மேலும் இது SV, V, VX, ZX, எலிகண்ட் எடிஷன் மற்றும் அபெக்ஸ் எடிஷன் வேரியண்ட்களில் வழங்கப்படுகிறது.

புதிய அமேஸ் ரூ.57,000 வரையிலான சலுகைகளுடன் வருகிறது. இதன் விலை ரூ.7.47 லட்சத்தில் இருந்து தொடங்குகிறது. இதற்கிடையில், இரண்டாம் தலைமுறை அமேஸ் ரூ.68,000 வரையிலான தள்ளுபடிகளுடன் தொடர்ந்து கிடைக்கிறது. இதன் விலை ரூ.6.97 லட்சத்திலிருந்து எக்ஸ்-ஷோரூம் விலையில் தொடங்குகிறது.

இது தவிர்த்து, தேர்ந்தெடுக்கப்பட்ட மாடல்களில் கூடுதலாக கார்ப்பரேட் சலுகைகளும் கிடைக்கக்கூடும் என்றும் ஹோண்டா கூறியுள்ளது.

மஹிந்திரா நிறுவனம் தனது BE 6 பேட்மேன் எடிஷன் (Batman Edition) மாடலுக்கான முன்பதிவை மீண்டும் தொடங்க இருப்பதாக தகவல் வெளியாகி உள்ளது. முன்னதாக இந்த கார் கடந்த ஆண்டு ஆகஸ்ட் மாதம் முன்பதிவு செய்யப்பட்ட நிலையில், வெறும் 999 யூனிட்கள் மட்டுமே ஒதுக்கப்படுவதாக அறிவிக்கப்பட்டது.

சர்வதேச சந்தையில் வணிக ரீதியில் விற்பனைக்கு பேட்மேன் தீம் கொண்ட முதல் எஸ்.யூ.வி. என்ற பெருமையை மஹிந்திராவின் BE 6 பேட்மேன் எடிஷன் பெற்றது. இந்த நிலையில் மஹிந்திரா நிறுவனம் தனது ஸ்பெஷல் எடிஷன் எஸ்.யூ.வி. மாடலுக்கான முன்பதிவை மீண்டும் தொடங்கியது. அதன்படி மஹிந்திரா BE 6 பேட்மேன் எடிஷனுக்கான முன்பதிவு நேற்று (மார்ச் 10) தொடங்கியது. முன்பதிவு ஒருநாள் மட்டும் நடைபெறும் என அறிவிக்கப்பட்டு இருந்தது.

இந்த நிலையில், மஹிந்திரா BE 6 பேட்மேன் எடிஷன் மாடல் முன்பதிவு தொடங்கிய ஏழு நிமிடங்களில் விற்றுத்தீர்ந்ததாக அறிவிக்கப்பட்டு இருக்கிறது. முதல் முறை போன்றே இந்த முறையும் ஸ்பெஷல் எடிஷன் காரின் 999 யூனிட்களை மஹிந்திரா விற்பனைக்கு கொண்டு வந்தது. அதிக எதிர்பார்ப்புடன் முன்பதிவு தொடங்கிய நிலையில், ஏழு நிமிடங்களில் முழுமையாக விற்றுத்தீர்ந்தது வாடிக்கையாளர்களுக்கு வருத்தத்தையும், நிறுவனத்திற்கு மகிழ்ச்சியையும் ஏற்படுத்தியது.

மஹிந்திரா BE 6 பேட்மேன் எடிஷன் மாடலுக்கான விலை ரூ. 28.49 லட்சம், (எக்ஸ்-ஷோரூம்) ஆகும். இது முதற்கட்ட பேட்மேன் எடிஷன் மாடலுக்கான விலையை விட ரூ. 70,000 அதிகம் ஆகும். இந்த மாடலுக்கான விநியோகம் ஏப்ரல் 10-ஆம் தேதியில் இருந்து தொடங்கும் என்று அறிவிக்கப்பட்டுள்ளது.

BE 6 பேட்மேன் எடிஷன் மாடல் பிரத்யேக சாட்டின் பிளாக் ஃபினிஷ், முன்பக்க கதவுகளில் பேட்மேன் பேட்ஜிங் இடம்பெறுகிறது. இத்துடன் 20-இன்ச் அலாய் வீல்கள், தங்க முலாம் பூசப்பட்ட சஸ்பென்ஷன் மற்றும் பிரேக் கேலிப்பர்கள், பின்புறத்தில் டார்க் நைட் பேட்ஜிங் வழங்கப்படுகிறது. இத்துடன் பல்வேறு காஸ்மெடிக் மற்றும் சிறுசிறு பேட்மேன் சார்ந்த விஷயங்கள் வழங்கப்பட்டுள்ளன. இத்துடன் பிரத்யேக சாவிக்கொத்து வழங்கப்படுகிறது.

இந்த எஸ்.யூ.வி. மாடலில் பேட்மேன் சார்ந்த பிரத்யேக ரியர் சவுண்ட்கள் வழங்கப்படுகிறது. இந்த எடிஷனில் சற்றே அளவில் பெரிய 79 கிலோவாட் ஹவர் பேட்டரி பேக் வழங்கப்பட்டுள்ளது. இந்த கார் முழு சார்ஜ் செய்தால் அதிகபட்சம் 682 கிலோமீட்டர்கள் வரையிலான ரேஞ்ச் வழங்குகிறது. இதில் உள்ள எலெக்ட்ரிக் மோட்டார் 282 ஹெச்.பி. பவர் மற்றும் 380 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டுள்ளது.

ஹூண்டாய் மோட்டார் இந்தியா நிறுவனது இந்திய சந்தையில் தனது அதிகம் பிரபலமான செடான்- வெர்னா மாடலை அப்டேட் செய்ததது. வாடிக்கையாளர்கள் மத்தியில் அதிகம் எதிர்பார்க்கப்பட்ட 2026 வெர்னா ஃபேஸ்லிஃப்ட் மாடல் இந்தியாவில் வெளியாகி இருக்கிறது.

புதிய 2026 வெர்னா மாடல் ரூ. 10.98 லட்சம் எனும் துவக்க விலையில் விற்பனைக்கு வருகிறது. புதிய ஃபேஸ்லிஃப்ட் மாடலின் இன்டீரியர் மற்றும் வெளிப்புறங்களில் மாற்றம் செய்யப்பட்டுள்ளது. மேலும், புதிய ஃபேஸ்லிஃப்ட் கார்- இந்த பிரிவில் பல்வேறு முதல் முறை அம்சங்களுடன் வருகிறது.

மேம்பட்ட வெர்னா ஃபேஸ்லிஃப்ட் மாடல்- HX2, HX4, HX6, HX8 மற்றும் HX19 என மொத்தம் ஆறு வேரியண்ட்களில் கிடைக்கிறது. இந்த கார்-1.5 லிட்டர் பெட்ரோல் என்ஜின் ஆப்ஷன்கள் மற்றும் மேனுவல், ஆட்டோமேடிக் கியர்பாக்ஸ் ஆப்ஷன்களில் கிடைக்கிறது. இத்துடன் புதிய வெர்னா மாடல்- கிளாஸி புளூ மற்றும் கிரே மேட் என இரண்டு புதிய நிறங்களில் கிடைக்கிறது.

வெளிப்புறத்தில் இந்த கார் பிளாக் க்ரோம் ரேடியேட்டர் கிரில், டூயல் எல்.இ.டி. ப்ரொஜெக்டர் ஹெட்லேம்ப்கள், ரீ-டிசைன் செய்யப்பட்ட பம்ப்பர்கள், 16-இன்ச் டைமன்ட் கட் அலாய் வீல்கள் வழங்கப்படுகின்றன. உள்புறத்தில் இந்த கார் அதிக மாற்றங்களுடன் வருகிறது. அதன்படி மேம்பட்ட ஹூண்டாய் லோகோ கொண்ட முற்றிலும் புதிய ஸ்டீரியங் வீல், லெதர் இருக்கை மேற்கவர்கள் வழங்கப்பட்டுள்ளன.

இத்துடன் எட்டு வழிகளில் பவர் அட்ஜஸ்ட் வசதி கொண்ட டிரைவர் சீட், ஓட்டுநர் அருகில் உள்ள இருக்கைகளை நான்கு வழிகளில் அட்ஜஸ்ட் செய்யும் வசதி வழங்கப்பட்டுள்ளது. மேலும், இந்த காரின் ஓட்டுநர் இருக்கைக்கு வெல்கம் அம்சத்துடன் மெமரி ஃபங்ஷன், முன்பக்கம் ஓட்டுநர் தவிர்த்த இரண்டாவது இருக்கைக்கு எலெக்ட்ரிக் வாக்-இன் டிவைஸ், ரியர் வின்டோ சன்ஷேடு, டேஷ்கேம், ஏழு ஏர்பேக் உள்ளிட்ட வசதிகள் வழங்கப்பட்டுள்ளன.

மற்ற அம்சங்களை பொருத்தவரை சரவுண்ட்-வியூ கேமரா, லெவல் 2 ADAS சூட், முன்பக்க வென்டிலேட்டெட் இருக்கைகள, 8-ஸ்பீக்கர்கள் கொண்ட போஸ் சவுண்ட் சிஸ்டம் வழங்கப்பட்டுள்ளது.

டி20 உலகக்கோப்பையை இந்திய அணி வென்று சாம்பியன் பட்டத்தை பெற்றதை கொண்டாடும் வகையில் ஓலா எலெக்ட்ரிக் நிறுவனம் 'சாம்பியன் மஹோத்சவ்' என்ற கால வரையறுக்கப்பட்ட அறிவிப்பை வெளியிட்டுள்ளது. இதன் ஒரு பகுதியாக, நிறுவனம் அதன் மின்சார இருசக்கர வாகனங்கள் அனைத்திற்கும் மூன்று நாட்களுக்கு ரூ.10,000 மதிப்புள்ள சலுகைகளை வழங்குகிறது.

இந்த சலுகை, அனைத்து ஓலா ஸ்கூட்டர்களுக்கும், ரோட்ஸ்டர் மின்சார மோட்டார் சைக்கிள்களுக்கும் பொருந்தும். இந்திய அணி வரலாற்று சிறப்புமிக்க பட்டத்தை வென்ற பிறகு கொண்டாட்டங்களை நீட்டிக்கவும், அந்நிறுவன வாகனங்களுக்கு சிறப்பு சலுகைகள் மூலம் அதிகமான வாடிக்கையாளர்களை கவரவும் நிறுவனம் முடிவு செய்துள்ளதாக ஓலா எலெக்ட்ரிக் செய்தித் தொடர்பாளர் தெரிவித்தார்.

ஓலா எலெக்ட்ரிக் நிறுவனத்தின் தற்போதைய வரிசையில் ஜென் 3 S1 ஸ்கூட்டர் வரிசை மற்றும் ரோட்ஸ்டர் X மோட்டார்சைக்கிள் சீரிஸ் ஆகியவை அடங்கும். பிரீமியம் S1 ஜென் 3 சீரிசில் 5.2kWh மற்றும் 4kWh பேட்டரி ஆப்ஷன்கள் கொண்ட S1 Pro+ மற்றும் 4kWh மற்றும் 3kWh வகைகளுடன் S1 Pro ஆகியவை அடங்கும்.

நிறுவனத்தின் மிகவும் மலிவு விலை மாடல்களில் 4kWh பேட்டரியுடன் கூடிய S1 X+ மற்றும் 2kWh, 3kWh மற்றும் 4kWh பேட்டரி பேக்குகளுடன் கிடைக்கும் S1 X ஆகியவை அடங்கும். இந்த மாடல்களின் விலை ரூ.77,999-இல் தொடங்கி ரூ.1.14 லட்சம் வரை இருக்கும்.

ஓலா சாம்பியன் மஹோத்சவ் பிரச்சாரம் இந்தியா முழுவதும் மூன்று நாட்கள் நடைபெறும், இந்த காலக்கட்டத்தில் வாடிக்கையாளர்கள் எந்த ஓலா எலெக்ட்ரிக் வாகனத்திற்கும் ரூ.10,000 சலுகையை பெறலாம்.

மஹிந்திரா நிறுவனம் தனது BE 6 பேட்மேன் எடிஷன் (Batman Edition) மாடலுக்கான முன்பதிவை மீண்டும் தொடங்க இருப்பதாக தகவல் வெளியாகி உள்ளது. முன்னதாக இந்த கார் கடந்த ஆண்டு ஆகஸ்ட் மாதம் முன்பதிவு செய்யப்பட்ட நிலையில், வெறும் 999 யூனிட்கள் மட்டுமே ஒதுக்கப்படுவதாக அறிவிக்கப்பட்டது.

சர்வதேச சந்தையில் வணிக ரீதியில் விற்பனைக்கு பேட்மேன் தீம் கொண்ட முதல் எஸ்.யூ.வி. என்ற பெருமையை மஹிந்திராவின் BE 6 பேட்மேன் எடிஷன் பெற்றது. இந்த நிலையில் மஹிந்திரா நிறுவனம் தனது ஸ்பெஷல் எடிஷன் எஸ்.யூ.வி. மாடலுக்கான முன்பதிவை மீண்டும் தொடங்கியுள்ளது. அதன்படி மஹிந்திரா BE 6 பேட்மேன் எடிஷனுக்கான முன்பதிவு மார்ச் 10-ஆம் தேதி என அன்றைய ஒருநாள் மட்டும் நடைபெறும் என அறிவிக்கப்பட்டு இருக்கிறது.

இந்த முறை BE 6 பேட்மேன் எடிஷன் மாடலுக்கான விலை ரூ. 28.49 லட்சம், (எக்ஸ்-ஷோரூம்) என மாறியிருக்கிறது. இது முதற்கட்ட பேட்மேன் எடிஷன் மாடலுக்கான விலையை விட ரூ. 70,000 அதிகம் ஆகும். இந்த மாடலுக்கான விநியோகம் ஏப்ரல் 10-ஆம் தேதியில் இருந்து தொடங்கும் என்று அறிவிக்கப்பட்டுள்ளது.

BE 6 பேட்மேன் எடிஷன் மாடல் பிரத்யேக சாட்டின் பிளாக் ஃபினிஷ், முன்பக்க கதவுகளில் பேட்மேன் பேட்ஜிங் இடம்பெறுகிறது. இத்துடன் 20-இன்ச் அலாய் வீல்கள், தங்க முலாம் பூசப்பட்ட சஸ்பென்ஷன் மற்றும் பிரேக் கேலிப்பர்கள், பின்புறத்தில் டார்க் நைட் பேட்ஜிங் வழங்கப்படுகிறது. இத்துடன் பல்வேறு காஸ்மெடிக் மற்றும் சிறுசிறு பேட்மேன் சார்ந்த விஷயங்கள் வழங்கப்பட்டுள்ளன. இத்துடன் பிரத்யேக சாவிக்கொத்து வழங்கப்படுகிறது.

இந்த எஸ்.யூ.வி. மாடலில் பேட்மேன் சார்ந்த பிரத்யேக ரியர் சவுண்ட்கள் வழங்கப்படுகிறது. இந்த எடிஷனில் சற்றே அளவில் பெரிய 79 கிலோவாட் ஹவர் பேட்டரி பேக் வழங்கப்பட்டுள்ளது. இந்த கார் முழு சார்ஜ் செய்தால் அதிகபட்சம் 682 கிலோமீட்டர்கள் வரையிலான ரேஞ்ச் வழங்குகிறது. இதில் உள்ள எலெக்ட்ரிக் மோட்டார் 282 ஹெச்.பி. பவர் மற்றும் 380 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டுள்ளது.

ஜாவா யெஸ்டி மோட்டார்சைக்கிள்ஸ் நிறுவனம் இந்திய சந்தையில் தனது ரோட்ஸ்டர் மாடலை சத்தமின்றி அப்டேட் செய்தது. அதன்படி ரோட்ஸ்டர் மோட்டார்சைக்கிள் இந்தியாவில் புது நிறத்தில் விற்பனை வந்தது. ரெட் வுல்ஃப் (Red Wolf) என அழைக்கப்படும் புதிய நிற வேரியண்ட் விலை ரூ. 2 லட்சத்து 09 ஆயிரத்து 550 (எக்ஸ்-ஷோரூம்) என நிர்ணயம் செய்யப்பட்டுள்ளது. யெஸ்டி ரோட்ஸ்டர் முற்றிலும் புதிய ரெட் வுல்ஃப் நிற வேரியண்ட் நாடு முழுக்க அதிகாரப்பூர்வ விற்பனை மையங்களில் விற்பனைக்கு கிடைக்கிறது.

புதிய வேரியண்ட் ரெட் நிறத்துடன் க்ரோம் டீடெயிலிங்கை சேர்த்து வழங்குகிறது. தோற்றம் தவிர இந்த மோட்டார்சைக்கிளின் மெக்கானிக்கல் அம்சங்களில் எந்த மாற்றமும் மேற்கொள்ளப்படவில்லை. அந்த வகையில், இந்த வேரியண்டிலும் மற்ற ரோட்ஸ்டர் மாடல்களில் உள்ள என்ஜின் மற்றும் மெக்கானிக்கல் பாகங்கள் தான் வழங்கப்பட்டுள்ளது.

ரெட் வுல்ஃப் நிற ரோட்ஸ்டர் மாடலின் எக்சாஸ்ட், என்ஜின் மற்றும் ஹேன்டில் பார் உள்ளிட்ட பாகங்களில் க்ரோம் ஃபினிஷ் சேர்க்கப்பட்டு இருக்கிறது. இத்துடன் பிரவுன் நிற இருக்கை, பாபர் ஸ்டைல் ரியர் பகுதி, அகலமான பின்புற ஃபென்டர் மற்றும் மாட்யுலர் செட்டப் வழங்கப்பட்டுள்ளது. இந்த பைக்கின் ஒட்டுமொத்த டிசைன் மற்றும் பாடி தோற்றம் அதன் ஸ்டான்டர்டு மாடலில் உள்ளதை போன்றே வழங்கப்பட்டு இருக்கிறது.

அந்த வகையில் இந்த மோட்டார்சைக்கிளின் புதிய நிற வேரியண்டிலும் 350சிசி, லிக்விட் கூல்டு என்ஜின் வழங்கப்பட்டு இருக்கிறது. இத்துடன் 6-ஸ்பீடு கியர்பாக்ஸ், அசிஸ்ட் மற்றும் ஸ்லிப்பர் கிளட்ச் வழங்கப்பட்டுள்ளது. இந்த பைக்கில் 12.5 லிட்டர் கொள்ளளவு கொண்ட ஃபியூவல் டேன்க் உள்ளது. பைக்கின் மொத்த எடை 194 கிலோ ஆகும்.

பிரேக்கிங்கிற்கு முன்புறத்தில் 320 மில்லிமீட்டர் டிஸ்க், பின்புறம் 240 மில்லிமீட்டர் ரியர் டிஸ்க் மற்றும் டூயல் சேனல் ஏ.பி.எஸ். வழங்கப்பட்டுள்ளது. ரோட்ஸ்டர் பைக்கின் முன்புறம் டெலிஸ்கோபிக் முன்புற ஃபோர்க்குகள், பின்புறம் டுவின் ரியர் ஷாக் அப்சார்பர்கள் வழங்கப்பட்டுள்ளன. இந்த பைக்கின் இருக்கை உயரம் 795 மில்லிமீட்டரிலும், கிரவுண்ட் க்ளியரன்ஸ் 171 மில்லிமீட்டரிலும் உள்ளது.

மெர்சிடிஸ் பென்ஸ் இந்தியா நிறுவனம் முற்றிலும் புதிய V-Class மாடலை இந்திய சந்தையில் அறிமுகம் செய்தது. இதன் மூலம் ஆடம்பர எம்.பி.வி. மாடல் கிட்டத்தட்ட நான்கு ஆண்டுகளுக்கு பிறகு இந்திய சந்தையில் மீண்டும் ரீ-என்ட்ரி கொடுத்துள்ளது. முற்றிலும் புதிய V-Class மாடலின் ஆரம்ப விலை ரூ. 1.4 கோடி என நிர்ணயம் செய்யப்பட்டுள்ளது. இந்த மாடல் டொயோட்டா வெல்ஃபயர் மற்றும் லெக்சஸ் LM மாடல்களுக்கு போட்டியாக அமைகிறது.

புதிய V-Class மாடல் நான்கு மற்றும் ஆறு இருக்கைகள் என இருவித இருக்கை தேர்வுகளுடன் கிடைக்கிறது. இந்த மாடல் பின்புற இருக்கைகள் அதிக சவுகரியத்தை வழங்குவதை நோக்கமாக கொண்டு உருவாக்கப்பட்டு இருக்கிறது. அந்த வகையில், இந்த காரில் உள்ள லவுஞ்ச் இருக்கைகளில் ரிக்லைன், மசாஜ், வென்டிலேஷன் மற்றும் ஹீட்டிங் வசதிகளுடன் வருகிறது.

ஆறு இருக்கைகள் கொண்ட மாடலில் மூன்றாம் வரிசை இருக்கைகளிலும் ெவன்டிலேஷன் வசதி வழங்கப்படுகிறது. இவைதவிர இந்த காரில் 3-ஜோன் கிளைமேட் கண்ட்ரோல், பர்மெஸ்டர் சவுண்ட் சிஸ்டம், 64-நிறங்கள் கொண்ட ஆம்பியன்ட் லைட்டிங், 2 இன்டீரியர் தீம்கள் மற்றும் இரட்டை 12.3 இன்ச் ஸ்கிரீன்கள் வழங்கப்படுகின்றன.

பாதுகாப்பிற்கு முற்றிலும் புதிய V-Class மாடலில் ஏழு ஏர்பேக், 360-டிகிரி கேமரா, லெவல் 2 ADAS சூட் வழங்கப்பட்டு இருக்கிறது. இந்த எம்.பி.வி. மாடல் அளவில் 5.3 மீட்டர்கள் நீளமும், 3.4 மீட்டரில் வீல்பேஸ் கொண்டிருக்கிறது. இத்துடன் 18-இன்ச் டூயல்-டோன் அலாய் வீல்கள், எல்.இ.டி. ஹெட்லேம்ப்கள், இன்டகிரேட் செய்யப்பட்ட டி.ஆர்.எல்.-கள், பவர்டு ஸ்லைடிங் கதவுகள் மற்றும் ஸ்ப்லிட் டெயில் கேட் வழங்கப்பட்டுள்ளது.

மெர்சிடிஸ் பென்ஸ் V-Class மாடல் ராக் க்ரிஸ்டல் வைட், அப்சிடியன் பிளாக், சோடலைட் புளூ, ஆல்பைன் கிரே மற்றும் ஹை-டெக் சில்வர் நிறங்களில் கிடைக்கிறது. புதிய V-Class மாடல் பெட்ரோல் மற்றும் டீசல் பவர் டிரெய்ன் ஆப்ஷன்களில் கிடைக்கிறது. இதில் உள்ள V300 பெட்ரோல் யூனிட் 248 ஹெச்.பி. பவர், V300d டீசல் யூனிட் 233 ஹெச்.பி. பவர் வெளிப்படுத்துகிறது. இரு என்ஜின்களுடன் 9-ஸ்பீடு ஆட்டோமேடிக் டிரான்ஸ்மிஷன் உடன் வழங்கப்படுகிறது.

யமஹா நிறுவனம் இந்திய சந்தையில் தனது XSR155 மோட்டார்சைக்கிளின் விலையை சத்தமின்றி உயர்த்தியுள்ளது. மேலும், புதிய XSR155 பைக் தற்போது மெட்டாலிக் பிளாக் நிறத்தில் அறிமுகம் செய்யப்பட்டுள்ளது. முன்னதாக இந்த மோட்டார்சைக்கிள் நான்கு நிறங்களில் விற்பனை செய்யப்பட்டு வந்தது. அனைத்து நிற வேரியண்ட்களும் ரூ. 1,49,990 (எக்ஸ்-ஷோரூம்) விலையில் விற்பனை செய்யப்பட்டு வருகிறது.

தற்போதைய மாற்றத்தின் படி யமஹா XSR155 விவிட் ரெட் மாடலின் புதிய விலை ரூ. 1,52,990 (முந்தைய விலையை விட ரூ. 3000 அதிகம்), மெட்டாலிக் கிரே விலை ரூ. 1,56,990 (முந்தைய விலையை விட ரூ. 7000 அதிகம்), கிரேயிஷ் கிரீன் மெட்டாலிக் ரூ. 1,58,990 (முந்தைய விலையை விட ரூ. 9000 அதிகம்) ஆக மாறியுள்ளது.

இதில் மெட்டாலிக் புளூ நிற வேரியண்ட் விலையில் மாற்றமின்றி ரூ. 1,49,990 என உள்ளது. புதிய மெட்டாலிக் புளூ நிற வேரியண்ட் ரூ. 1,58,990 விலையில் விற்பனை செய்யப்படுகிறது. முன்னதாக யமஹா XSR155 மாடல் பிளாக் நிற வேரியண்ட் இன்றி விற்பனை செய்யப்பட்டு வந்தது.

விலை மற்றும் புதிய நிறம் தவிர இந்த பைக்கில் வேறு எந்த மாற்றமும் மேற்கொள்ளப்படவில்லை. அந்த வகையில், யமஹா XSR155 மாடலில் 155சிசி, லிக்விட் கூல்டு, சிங்கிள் சிலிண்டர் என்ஜின் மற்றும் வேரியபிள் வால்வ் ஆக்டுயேஷன் (VVA) வழங்கப்பட்டுள்ளது. இந்த யூனிட் 18.1 ஹெச்.பி. பவர் மற்றும் 14.2 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டிருக்கிறது. 

மஹிந்திரா நிறுவனம் தனது XEV 9e எலெக்ட்ரிக் காரின் சினிலூக்ஸ் எடிஷன் (Cineluxe Edition) மாடலை இந்திய சந்தையில் அறிமுகம் செய்தது. புதிய ஸ்பெஷல் எடிஷன் மாடலாக அறிமுகம் செய்யப்பட்டுள்ள XEV 9e சினிலூக்ஸ் எடிஷனின் இந்திய விலை ரூ. 29.35 லட்சம் (எக்ஸ்-ஷோரூம்) என நிர்ணயம் செய்யப்பட்டுள்ளது. இந்த ஸ்பெஷல் எடிஷன் மாடல் பேக் த்ரீ செலக்ட் வேரியண்டிற்கு மேல் நிலை நிறுத்தப்பட்டுள்ளது.

இந்த காரின் கேபின் பகுதியில் செஸ்ட்நட் பிரவுன் மற்றும் நாக்டர்ன் பிளாக் ஃபினிஷ் செய்யப்பட்டுள்ளது. இத்துடன் பிரவுன் ஸ்டிட்ச் மற்றும் மென்மையான இருக்கை மேற்கவர்களை கொண்டிருக்கிறது. வெளிப்புறத்தில் புதிய XEV 9e சினிலூக்ஸ் எடிஷன் சேட்டின் பிளாக் மற்றும் சேட்டின் வைட் நிறங்களில் கிடைக்கிறது.

புதிய XEV 9e சினிலூக்ஸ் எடிஷனின் மெக்கானிக்கல் அம்சங்களில் எந்த மாற்றமும் மேற்கொள்ளப்படவில்லை. அந்த வகையில் இந்த காரிலும் 79kWh BYD Blade LFP பேட்டரி வழங்கப்பட்டு இருக்கிறது. இத்துடன் 282 ஹெச்.பி. பவர், 380 நியூட்டன் மீட்டர் டார்க் வெளிப்படுத்தும் எலெக்ட்ரிக் மோட்டார் வழங்கப்படுகிறது. இந்த கார் முழு சார்ஜ் செய்தால் அதிகபட்சம் 656 கிலோமீட்டர்கள் வரையிலான ரேஞ்ச் வழங்குகிறது.

மற்ற அம்சங்களை பொருத்தவரை XEV 9e மாடலில் டிரை-கிளஸ்டர் டிஸ்ப்ளே, 16 ஸ்பீக்கர்கள் கொண்ட ஹார்மன் கார்டன் ஆடியோ மற்றும் டால்பி அட்மோஸ், 65 வாட் டைப்-சி போர்ட்கள், ரியர் ஏ.சி. வென்ட்கள், வயர்லெஸ் கனெக்டிவிட்டி உள்ளிட்டவை வழங்கப்பட்டுள்ளது. இந்த ஸ்பெஷல் எடிஷன் காருக்கான முன்பதிவு நாளை (மார்ச். 2) தொடங்குகிறது. 

சுசுகி நிறுவனம் தனது இ அக்சஸ் (எலெக்ட்ரிக் ஸ்கூட்டர்) மாடலுக்கு ரூ. 19,800 வரையிலான பலன்களை அறிவித்து இருக்கிறது. இந்த பலன்கள் ஃபைனான்ஸ், நீட்டிக்கப்பட்ட வாரண்டி மற்றும் இதர போனஸ் வடிவில் வழங்கப்படுகின்றன. இதற்காக சுசுகி நிறுவனம் மூன்றாம் தரப்பு நிதி நிறுவனங்களுடன் கூட்டணி அமைத்துள்ளது. இதன் காரணமாக வாடிக்கையாளர்கள் ரூ. 9800 வரையிலான பலன்களை பெறலாம்.

இதில் 5.99 சதவீதம் அளவில் மிகக்குறைந்த வட்டியும் வழங்கப்படுகிறது. சுசுகி வாடிக்கையாளர்கள் இ அக்சஸ் மாடலை வாங்கும் போது ரூ. 10,000 வரை லாயல்டி போனஸ் வழங்கப்படுகிறது. புதிய வாடிக்கையாளர்களுக்கு அறிமுக போனஸ் ரூ. 7,000 வழங்கப்படுகிறது. வாகன உரிமையை மேலும் சுலபமாக்கும் நோக்கில், இ அக்சஸ் மாடலை வாங்குவோருக்கு ரூ. 4000 மதிப்புள்ள நீட்டிக்கப்பட்ட வாரண்டி வழங்கப்படுகிறது.

இதன் மூலம் இ அக்சஸ் ஸ்கூட்டரை வாங்குவோருக்கு அதிகபட்சம் ஏழு ஆண்டுகள் அல்லது 80,000 கிலோமீட்டர்கள் வரை வாரண்டி பொருந்தும். இந்திய சந்தையில் புதிய சுசுகி இ அக்சஸ் மாடல் ரூ. 1.88 லட்சம் (எக்ஸ்-ஷோரூம்) விலையில் விற்பனை செய்யப்படுகிறது. இதன் காரணமாக விலை உயர்ந்த எலெக்ட்ரிக் ஸ்கூட்டர்கள் பிரிவில் இந்த மாடல் ஏத்தர் 450 அபெக்ஸ் மாடலுக்கு நெருக்கமாக இருக்கிறது.

சுசுகி இ அக்சஸ் மாடல் அதிகபட்சமாக மணிக்கு 71 கிலோமீட்டர் வேகத்தில் செல்லும். இந்த ஸ்கூட்டர் முழு சார்ஜ் செய்தால் 95 கிலோமீட்டர்கள் வரையிலான ரேஞ்ச் வழங்குகிறது. இந்த ஸ்கூட்டரை 80 சதவீதம் வரை சார்ஜ் செய்ய நான்கு மணி நேரங்கள் ஆகும்.