புதிய கேஜெட்டுகள்

ரியல்மி நிறுவனத்தின் முற்றிலும் புதிய P1 ஸ்பீடு 5ஜி ஸ்மார்ட்போன் இந்திய சந்தையில் அறிமுகம் செய்யப்பட உள்ளது. இதனை ரியல்மி நிறுவனம் அதிகாரப்பூர்வமாக உறுதிப்படுத்தி இருக்கிறது. மேலும், புதிய ஸ்மார்ட்போனிற்கான டீசர் வெளியிடப்பட்டு உள்ளது.

அதன்படி புதிய ரியல்மி P1 ஸ்பீடு ஸ்மார்ட்போன் மீடியாடெக் டிமென்சிட்டி 7300 எனர்ஜி 5ஜி பிராசஸர், ஹோல் பன்ச் டிஸ்ப்ளே, பின்புறம் வட்ட வடிவம் கொண்ட கேமரா கட் அவுட் வழங்கப்படுகிறது. இந்த ஸ்மார்ட்போன் ரியல்மி P சீரிஸ் மாடல்களில் புதுவரவாக இணைகிறது. முன்னதாக இதே சீரிசில் ரியல்மி P1, ரியல்மி P1 ப்ரோ மற்றும் ரியல்மி P2 ப்ரோ ஆகிய மாடல்கள் விற்பனை செய்யப்பட்டு வருகின்றன.

இவற்றைத் தொடர்ந்து புதிய ரியல்மி P1 ஸ்பீடு ஸ்மார்ட்போன் வருகிற 15 ஆம் தேதி மதியம் 12 மணிக்கு அறிமுகம் செய்யப்படுகிறது. இந்த ஸ்மார்ட்போன் ப்ளிப்கார்ட் வலைதளத்தில் விற்பனைக்கு வரவுள்ளது. புது ஸ்மார்ட்போனிற்கான டீசர்கள் ப்ளிப்கார்ட் மற்றும் ரியல்மி வலைதளங்களில் உள்ள பிரத்யேக மைக்ரோசைட்டில் இடம்பெற்றுள்ளன.

இதுவரை வெளியாகி இருக்கும் தகவல்களின் படி ரியல்மி P1 ஸ்பீடு ஸ்மார்ட்போன் கூலிங் வசதி, 50MP பிரைமரி கேமரா, 5000 எம்ஏஹெச் பேட்டரி, 45 வாட் சார்ஜிங் வசதி, IP65 தர டஸ்ட் மற்றும் வாட்டர் ரெசிஸ்டண்ட் வசதி வழங்கப்படும் என தெரியவந்துள்ளது. 

லாவா நிறுவனத்தின் முற்றிலும் புதிய ஸ்மார்ட்போன் இந்திய சந்தையில் அறிமுகம் செய்யப்பட்டது. லாவா அக்னி 3 5ஜி என அழைக்கப்படும் புதிய ஸ்மார்ட்போன் அந்நிறுவனம் கடந்த ஆண்டு அறிமுகப்படுத்திய லாவா அக்னி 2 5ஜி மாடலின் மேம்பட்ட வெர்ஷன் ஆகும்.

அம்சங்களை பொருத்தவரை இந்த மாடலில் 6.78 இன்ச் 1.5K 3D Curved AMOLED டிஸ்ப்ளே, 120Hz ரிப்ரெஷ் ரேட், மீடியாடெக் டிமென்சிட்டி 7300X பிராசஸர், அதிகபட்சம் 8 ஜிபி ரேம், 256 ஜிபி மெமரி வழங்கப்பட்டு இருக்கிறது. இந்த ஸ்மார்ட்போன் ஆண்ட்ராய்டு 14 ஓஎஸ் கொண்டுள்ளது. மேலும் மூன்று ஆண்ட்ராய்டு அப்டேட்கள், நான்கு ஆண்டுகள் செக்யுரிட்டி அப்டேட்களை பெறும் என அறிவிக்கப்பட்டு இருக்கிறது.

புகைப்படங்களை எடுக்க 50MP பிரைமரி கேமரா, OIS, 8MP அல்ட்ரா வைடு கேமரா, 8MP 3x டெலிபோட்டோ கேமரா மற்றும் 16MP செல்பி கேமரா கொண்டிருக்கிறது. இந்த ஸ்மார்ட்போன் 5000 எம்ஏஹெச் பேட்டரி மூலம் சக்தியூட்டப்படுகிறது. இத்துடன் 66 வாட் ஃபாஸ்ட் சார்ஜிங் வசதி வழங்கப்படுகிறது. எனினும், இந்த ஸ்மார்ட்போனுடன் சார்ஜர் வழங்கப்படவில்லை.

இந்த ஸ்மார்ட்போனின் பின்புறம் இரண்டாவது AMOLED ஸ்கிரீன் வழங்கப்பட்டு இருக்கிறது. இதில் பயனர்கள் அழைப்பு விவரங்கள், நோட்டிபிகேஷன், செல்பி எடுத்தல், மியூசிக் பிளேயர் மற்றும் பல சேவைகளை பயன்படுத்திக் கொள்ளலாம்.

இந்திய சந்தையில் புதிய லாவா அக்னி 3 5ஜி ஸ்மார்ட்போன் பிரிஸ்டைன் கிளாஸ் மற்றும் ஹீதர் கிளாஸ் என இரண்டுவிதமான நிறங்களில் கிடைக்கிறது.

இந்த ஸ்மார்ட்போன் 8 ஜிபி ரேம், 128 ஜிபி மெமரி மாடல் விலை ரூ. 20 ஆயிரத்தது 999 என்றும் சார்ஜர் உடன் வாங்கும் போது இதன் விலை ரூ. 22 ஆயிரத்து 999 என மாறிவிடும். இதே போன்று 8 ஜிபி ரேம், 256 ஜிபி மெமரி மாடல், சார்ஜர் உடன் சேர்த்து ரூ. 24 ஆஆயிரத்து 999 என நிர்ணயம் செய்யப்பட்டுள்ளது.

மடிக்கக்கூடிய ஸ்மார்ட்போன் மாடல்களுக்கான சந்தை உலகளவில் வளர்ச்சி பெற்று வருகிறது. இதுதவிர ஸ்மார்ட்போன் நிறுவனங்களும் இந்த பிரிவில் புதுவகை மாடல்களை அறிமுகம் செய்வதற்கான பணிகளில் தொடர்ச்சியாக ஈடுபட்டு வருகின்றன.

இதுவரை மடிக்கக்கூடிய ஸ்மார்ட்போன் சந்தையில் இரண்டாக மடித்துக் கொள்ளும் ஸ்மார்ட்போன், ப்ளிப் ரக ஸ்மார்ட்போன் என இருவித ஃபோல்டபில் சாதனங்கள் விற்பனை செய்யப்பட்டு வருகின்றன. இதுதவிர, சில நிறுவனங்கள் மூன்றாக மடிக்கும் வகையிலான ஸ்மார்ட்போன்களை உருவாக்கும் முயற்சியில் ஈடுபட்டுள்ளனர்.

இந்த வரிசையில், ஹானர் பிராண்டு உருவாக்கி வரும் புதிய வகை ஃபோல்டபில் ஸ்மார்ட்போன் எந்தப் பக்கம் வேண்டுமானாலும் மடித்துக் கொள்ளலாம் என்ற வகையில் உருவாக்கப்படுகிது. இந்த சாதனத்தில் சுழலும் ஷாஃப்ட் வழங்கப்படுகிறது. இந்த ஸ்மார்ட்போனின் மத்தியில் கனெக்டிங் சேம்பர் வழங்கப்படுகிது.

இது குறித்து வெளியாகி இருக்கும் புகைப்படங்களின் படி புதுவித ஃபோல்டபில் ஸ்மார்ட்போன் மத்தியில் கனெக்டிங் சேம்பர் வழங்கப்படுகிறது. இதன் மூலம் இந்த சாதனத்தை எந்தப் பக்கம் வேண்டுமானாலும் மடித்துக் கொள்ளலாம்.

தற்போது இந்த ஸ்மார்ட்போனின் காப்புரிமை விவரங்கள் வெளியாகி உள்ளன. அந்த வகையில், இந்த சாதனம் சந்தையில் விற்பனைக்கு வருமா என்பதும், எப்போது விற்பனைக்கு கிடைக்கும் என்பதும் கேள்விக்குறியாகவே உள்ளது.

ஐடெல் நிறுவனத்தின் முற்றிலும் புிய ஸ்மார்ட்வாட்ச் பட்ஜெட் விலையில் இந்திய சந்தையில் அறிமுகம் செய்யப்பட்டு உள்ளது. புதிய ஸ்மார்ட்வாட்ச் ஐடெல் ஆல்பா 2 என அழைக்கப்படுகிறது. சமீபத்தில் ஐடெல் நிறுவனத்தின் ரிதம் ப்ரோ ட்ரூ வயர்லெஸ் இயர்பட்ஸ் அறிமுகம் செய்யப்பட்ட நிலையில், தற்போது புதிய ஸ்மார்ட்வாட்ச் அறிமுகம் செய்யப்பட்டு உள்ளது.

அம்சங்களை பொருத்தவரை ஐடெல் ஆல்பா 2 மாடலில் 2 இன்ச் HD ஸ்கிரீன், 150-க்கும் அதிக வாட்ச் ஃபேஸ்களுக்கான சப்போர்ட், ப்ளூடூத் காலிங் சப்போர்ட், இன்-பில்ட் மைக், டயல் பேட் உள்ளிட்டவை வழங்கப்பட்டு இருக்கிறது.

இத்துடன் உடல் ஆரோக்க்கியத்தை டிராக் செய்ய ஏதுவாக ஹார்ட் ரேட், SpO2, ஸ்லீப் மற்றும் 100-க்கும் அதிக ஸ்போர்ட்ஸ் மோட்கள் வழங்கப்பட்டுள்ளன. இந்த ஸ்மார்ட்வாட்ச் IP68 தர வாட்டர் ரெசிஸ்டண்ட் வசதி கொண்டுள்ளது. மேலும் பாஸ்வேர்டு பாதுகாப்பு, அதிகபட்சம் ஏழு நாட்களுக்கான பேட்டரி பேக்கப் வழங்குகிறது.

ஐடெல் ஆல்பா 2 மாடல் பிளாக், டார்க் புளூ மற்றும் ரோஸ் கோல்டு நிற ஆப்ஷன்களில் கிடைக்கிறது. இதன் விலை ரூ. 1,499 என நிர்ணயம் செய்யப்பட்டு உள்ளது. இதன் விற்பனை ஏர்Kனவே துவங்கி நடைபெற்று வருகிறது. 

நத்திங் நிறுவனத்தின் முற்றிலும் புதிய நத்திங் இயர் (ஓபன்) இயர்பட்ஸ் மாடல் அறிமுகம் செய்யப்பட்டது. இது நத்திங் நிறுவனத்தின் முதல் ஓபன் வியரபில் ஸ்டீரியோ (OWS) இயர்பட்ஸ் ஆகும். இந்த மாடல் நத்திங் நிறுவனத்தின் ஓபன் சவுண்ட் தொழில்நுட்பம் கொண்டிருக்கிறது. இது பயனர்களுக்கு வெளிப்புற சத்தத்துடன் ஆடியோ அனுபவத்தை முழுமையாக பெற வழிவகை செய்கிறது.

இந்த இயர்பட்ஸ் மாடலில் 14.2mm டைனமிக் டிரைவர், கனெக்டிவிட்டிக்கு ப்ளூடூத் 5.3, AAC, SBC கோட், கூகுள் ஃபாஸ்ட் பேர், மைக்ரோசாப்ட் ஸ்விப்ட் பேர், டூயல் கனெக்ஷன் உள்ளிட்டவை வழங்கப்பட்டு இருக்கிறது. இத்துடன் 120ms லோ லேக் மோட், அழைப்புகளின் போது நாய்ஸ் கேன்சலேஷன் வசதி, மூன்று மைக்குகள் வழங்கப்பட்டுள்ளன.

இத்துடன் சாட்ஜிபிடி இன்டகிரேஷன் வசதி, வாட்டர் ரெசிஸ்டண்ட், பாஸ்ட் சார்ஜிங் வசதி வழங்கப்பட்டு இருக்கிறது. இந்த இயர்பட்ஸ்-ஐ பத்து நிமிடங்கள் சார்ஜ் செய்தால் இரண்டு மணி நேரம் வரை பயன்படுத்த முடியும். இதில் உள்ள பேட்டரி அதிகபட்சம் எட்டு மணி நேரத்திற்கும் சார்ஜிங் கேஸில் உள்ள பேட்டரி அதிகபட்சம் 30 மணி நேரத்திற்கும் பேட்டரி பேக்கப் வழங்குகிறது.

நத்திங் நிறுவனத்தின் இயர் இயர்பட்ஸ் மாடலுக்கான முன்பதிவு ஏற்கனவே துவங்கி நடைபெற்று வருகிறது. இதன் விற்பனை அக்டோபர் 1 ஆம் தேதி துவங்க உள்ளது. விலையை பொருத்தவரை இந்தியாவில் புதிய நத்திங் இயர் மாடல் ரூ. 17 ஆயிரத்து 999 என நிர்ணயம் செய்யப்பட்டு உள்ளது. 

ஒன்பிளஸ் நிறுவனம் இந்திய சந்தையில் தனது புதிய நார்டு பட்ஸ் 3 இயர்பட்ஸ் மாடலை அறிமுகம் செய்தது. நார்டு சீரிசில் அறிமுகம் செய்யப்பட்டு இருக்கும் புதிய இயர்பட்ஸ் ஆக்டிவ் நாய்ஸ் கேன்சலேஷன் வசதி, ப்ளூடூத் 5.4, டூயல் கனெக்ஷன் என ஏராளமான அம்சங்களை கொண்டிருக்கிறது.

இந்த இயர்பட்ஸ் கூகுள் ஃபாஸ்ட் பேர், 12.4mm டைட்டானியம் டைனமிக் டிரைவர், பாஸ்வேவ் 2.0 போன்ற வசதிகள் உள்ளன. பெபிள் வடிவம் கொண்டுள்ள புதிய இயர்பட்ஸ் செவ்வக வடிவிலான கேஸ் மற்றும் கிளாஸி ஃபினிஷ் வழங்கப்பட்டு இருக்கிறது. இவற்றில் டச் கண்ட்ரோல் வசதி, IP55 தர சான்று வழங்கப்பட்டு உள்ளது.

நார்டு பட்ஸ் 3 மாடலின் இயர்பட் ஒவ்வொன்றும் 4.2 கிராம் எடை கொண்டுள்ளது. குறைந்த எடை காரணமாக இவற்றை நீண்ட நேரம் பயன்படுத்த முடியும். இந்த இயர்பட்ஸ் முழு சார்ஜ் செய்தால் 43 மணி நேரத்திற்கு பிளேபேக் வழங்கும் பேட்டரி கொண்டிருக்கிறது. ANC பயன்படுத்தாத போது, இதனை 12 மணி நேரம் வரை பயன்படுத்தலாம்.

இதில் உள்ள ஃபிளாஷ் சார்ஜ் வசதி கொண்டு பத்து நிமிடங்கள் சார்ஜ் செய்தால் 11 மணி நேரம் (கேஸ்+ ANC ஆஃப்) பயன்படுத்தலாம். புதிய நார்டு பட்ஸ் 3 மாடல் டியுவி ரெயின்லாந்து பேட்டரி ஹெல்த் சான்று பெற்ற உலகின் முதல் ட்ரூ வயர்லெஸ் இயர்பட்ஸ் ஆகும்.

புதிய ஒன்பிளஸ் நார்டு பட்ஸ் 3 மாடல் ஹார்மோனிக் கிரே மற்றும் மெலோடிக் வைட் நிறங்களில் கிடைக்கிறது. இதன் விலை ரூ. 2 ஆயிரத்து 299 என நிர்ணயம் செய்யப்பட்டு உள்ளது. விற்பனை அமேசான், ப்ளிப்கார்ட், ஒன்பிளஸ் வலைதளம், செயலி மற்றும் ஆஃப்லைன் ஸ்டோர்களில் நடைபெற உள்ளது. விற்பனை செப்டம்பர் 20 ஆம் தேதி துவங்குகிறது.

ரியல்மி P2 ப்ரோ 5G ஸ்மார்ட்போன் இந்தியாவில் அறிமுகப்படுத்தப்பட்டது.

ரியல்மி P2 ப்ரோ 5G அம்சங்கள்

ஸ்மார்ட்போன் Snapdragon 7s Gen 2 SoC மற்றும் 80W வயர்டு SuperVOOC சார்ஜிங்கிற்கான ஆதரவுடன் 5,200mAh பேட்டரியுடன் கிடைக்கிறது.

இது 6.7 இன்ச் முழு-HD+ 3D வளைந்த AMOLED ஸ்கிரீன், 50-மெகாபிக்சல் டிரிபிள் ரியர் கேமரா யூனிட் மற்றும் 32 மெகாபிக்சல் செல்ஃபி ஷூட்டர் ஆகியவற்றைக் கொண்டுள்ளது.

இந்த ஸ்மார்ட்போன் 3 Ram மற்றும் சேமிப்பக உள்ளமைப்புகளை கொண்டுள்ளது.

இந்தியாவில் Realme P2 Pro 5G  8 GB + 128GB யின் விலை ரூ.21,999, 12 GB + 256 GB மற்றும் 12 GB + 512 GB விலை முறையே ரூ. 24,999 மற்றும் ரூ. 27,999.

வாடிக்கையாளர்களின் வசதிக்காக ஸ்மார்ட்போனின் விலையை குறைக்கும் ரூ. 2000 கூப்பனையும் நிறுவனம் வழங்குகிறது. ரியல்மி P2 ப்ரோ 5G ஆரம்பகால விற்பனை செப்டம்பர் 17 ஆம் தேதி மாலை 6 மணி முதல் இரவு 8 மணி வரை தொடங்கிறது.

இது ஈகிள் கிரே (Eagle Grey) மற்றும் கிளி பச்சை (Parrot Green) வண்ணங்களில் வழங்கப்படுகிறது.

ரியல்மி நிறுவனம் இந்திய சந்தையில் தனது புதிய டேப்லெட்- ரியல்மி பேட் 2 லைட் மாடலை அறிமுகம் செய்தது. இந்த மாடலில் 10.5 இன்ச் 2K LCD ஸ்கிரீன், 90Hz ரிப்ரெஷ் ரேட், 450 நிட்ஸ் பிரைட்னஸ் கொண்ட டிஸ்ப்ளே வழங்கப்பட்டுள்ளது.

மீடியாடெக் ஹீலியோ G99 பிராசஸர், அதிகபட்சம் 8 ஜிபி ரேம், 8 ஜிபி வரை விர்ச்சுவல் ரேம், 128 ஜிபி மெமரி வழங்கப்பட்டு இருக்கிறது. மெல்லிய டிசைன் மற்றும் வீகன் லெதர் ஃபினிஷ் கொண்ட புது ரியல்மி டேப் 8300 எம்ஏஹெச் பேட்டரி மூலம் சக்தியூட்டப்படுகிறது. இத்துடன் 15 வாட் சூப்பர்வூக் சார்ஜிங் வழங்கப்படுகிறது.

புகைப்படங்களை எடுக்க 8MP பிரைமரி கேமரா, 5MP செல்ஃபி கேமரா வழங்கப்பட்டு இருக்கிறது. இந்த டேப்லெட்-இல் பக்கவாட்டில் கைரேகை சென்சார் வழங்கப்பட்டு இருக்கிறது. இத்துடன் யுஎஸ்பி டைப் சி ஆடியோ, குவாட் ஸ்டீரியோ ஸ்பீக்கர்கள் வழங்கப்படுகிறது.

கனெக்டிவிட்டிக்கு வைபை, ப்ளூடூத் 5.3, யுஎஸ்பி டைப் சி வழங்கப்பட்டுள்ளது. இந்த டேப்லெட் ஸ்பேஸ் கிரே, நெபுளா பர்பில் நிறங்களில் கிடைக்கிறது. இதன் 4 ஜிபி ரேம், 128 ஜிபி மெமரி மாடல் விலை ரூ. 14 ஆயிரத்து 999 என்றும் 8 ஜிபி ரேம், 128 ஜிபி மெமரி மாடல் விலை ரூ. 16 ஆயிரத்து 999 என நிர்ணயம் செய்யப்பட்டு உள்ளது.

மொபைல் போன்களின் உலகில் தனக்கென தனி சந்தையை உருவாக்கி வைத்துள்ள ஆப்பிள் நிறுவனம் தங்களது தனித்துவமான தயாரிப்புகளை தொடர்ந்து மேம்படுத்தி வருகிறது.

ஆப்பிள் நிறுவனம் கடந்த 2007-ம் ஆண்டில் முதன் முதலாக ஐபோன் மாடலை அறிமுகம் செய்தது. ஸ்மார்ட்போன் வணிகம் சார்ந்த உலக சந்தையில் சுமார் 15 சதவீத பங்கை ஐபோன் கொண்டுள்ளது.

ஒவ்வொரு ஆண்டும் செப்டம்பர் மாதத்தில் புதிய மாடல் ஐபோன்களை ஆப்பிள் நிறுவனம் அறிமுகம் செய்து வருகிறது. அந்த வகையில் நடப்பு ஆண்டில் ஐபோன் 16 சீரிஸ் போன்கள் அறிமுகம் செய்யப்பட்டுள்ளன.

ஸ்மார்ட்போன் வணிகம் சார்ந்த உலக சந்தையில் கணிசமான பங்கை ஐபோன் தனக்கென கொண்டுள்ளது. இந்த முறை ஏஐ அம்சங்கள், கேமரா கன்ட்ரோல் பட்டன் போன்றவை இதில் இடம்பெற்றுள்ளது குறிப்பிடத்தக்கது.

கடந்த ஆண்டைப் போலவே, புதிய தலைமுறை ஐபோன்களில் ஐபோன் 16, ஐபோன் 16 பிளஸ், ஐபோன் 16 ப்ரோ மற்றும் ஐபோன் 16 ப்ரோ மேக்ஸ் ஆகிய நான்கு மாடல்கள் உள்ளன.

ஐபோன் 16, ஐபோன் 16 பிளஸ் சிறப்பு அம்சங்கள்

* 6.1 இன்ச் திரை அளவு கொண்டுள்ளது ஐபோன் 16.

* 6.7 இன்ச் திரை அளவு கொண்டுள்ளது ஐபோன் 16 பிளஸ்,

* ஏ18 ப்ராசஸர் இதில் இடம்பெற்றுள்ளது,

* ஐஓஎஸ் 18 இயங்குதளம்.

* 48 மெகாபிக்சல் கொண்டுள்ளது பிரதான கேமரா.

* 12 மெகாபிக்சல் கொண்ட அல்ட்ரா வொய்ட் கேமராவும் பின்பக்கம் இடம்பெற்றுள்ளது.

* 12 மெகாபிக்சல் கொண்டுள்ளது முன்பக்க கேமரா.

* டைப்-சி சார்ஜிங் போர்ட்.

* ஐபோன் 16 (128ஜிபி) ரூ.79,900.

* ஐபோன் 16 பிளஸ் (128ஜிபி) ரூ.89,900.

பயனர்கள் சில டாஸ்குகளை எளிதில் மேற்கொள்ளும் வகையில் ஆக்ஷன் பட்டன் இதில் இடம்பெற்றுள்ளது

அதேபோல கேமரா கன்ட்ரோல் பட்டனும் இதில் இடம்பெற்றுள்ளது.

ஐபோன் 16 புரோ, ஐபோன் 16 புரோ மேக்ஸ் சிறப்பு அம்சங்கள்

• ஏ18 புரோ சிப்

• 6.3 இன்ச் திரை அளவு கொண்டுள்ளது ஐபோன் 16 புரோ.

• 6.9 இன்ச் திரை அளவு கொண்டுள்ளது ஐபோன் 16 புரோ மேக்ஸ்.

• 48 மெகாபிக்சல் பிரதான கேமரா.

• 48 மெகாபிக்சல் கொண்ட அல்ட்ரா வொய்ட் கேமரா பின்பக்கம் இடம்பெற்றுள்ளது.

• 12 மெகாபிக்சல் கொண்டுள்ளது முன்பக்க கேமரா.

• கேமரா கன்ட்ரோல் பட்டன் புரோ மாடல் போன்களிலும் இடம்பெற்றுள்ளது.

• ஐபோன் 16 புரோ போனின் ஆரம்ப விலை ரூ.1,19,900.

• ஐபோன் 16 புரோ மேக்ஸ் போனின் ஆரம்ப விலை ரூ.1,44,900.

வரும் 13-ம் தேதி முதல் புதிய ஐபோன் 16 வரிசை போன்களை முன்பதிவு செய்யலாம். 20-ம் தேதி முதல் பயனர்கள் பெறலாம் என அறிவிக்கப்பட்டுள்ளது.

இன்பினிக்ஸ் நிறுவனத்தின் முற்றிலும் புதிய ஹாட் 50 5ஜி ஸ்மார்ட்போன் இந்தியாவில் அறிமுகம் செய்யப்பட்டது. நோட் 40X 5ஜி மாடலை தொடர்ந்து புதிய ஹாட் சீரிஸ் ஸ்மார்ட்போன் அறிமுகம் செய்யப்பட்டு உள்ளது.

அம்சங்களை பொருத்தவரை இந்த ஸ்மார்ட்போனில் 6.7 இன்ச் HD+ LCD ஸ்கிரீன், 120Hz ரிப்ரெஷ் ரேட் கொண்டிருக்கிறது. இத்துடன் மீடியாடெக் டிமென்சிட்டி 6300 பிராசஸர், அதிகபட்சம் 8ஜிபி ரேம், 8 ஜிபி வரை விர்ச்சுவல் ரேம் வழங்கப்பட்டு இருக்கிறது. புகைப்படங்களை எடுக்க 48MP பிரைமரி கேமரா, டெப்த் சென்சார் மற்றும் 8MP செல்பி கேமரா வழங்கப்பட்டுள்ளது.

மெமரியை பொருத்தவரை 4ஜிபி ரேம், 256 ஜிபி மெமரி மற்றும் 8 ஜிபி ரேம், 256 ஜிபி மெமரி என இரண்டு வேரியண்ட்களில் கிடைக்கிறது. இத்துடன் மெமரியை கூடுதலாக நீட்டிக்கும் வசதி வழங்கப்பட்டு இருக்கிறது. மேலும் ஹைப்ரிட் டூயல் சிம் ஸ்லாட், ஆண்ட்ராய்டு 14 சார்ந்த எக்ஸ் ஓஎஸ் 14.5 வழங்கப்பட்டு இருக்கிறது.

பக்கவாட்டில் கைரேகை சென்சார் கொண்டுள்ள இன்பினிக்ஸ் ஹாட் 50 5ஜி ஸ்மார்ட்போன் டஸ்ட் மற்றும் ஸ்பிலாஷ் ரெசிஸ்டண்ட் வசதி கொண்டிருக்கிறது. கனெக்டிவிட்டிக்கு 5ஜி, டூயல் 4ஜி வோல்ட்இ, வைபை, ப்ளூடூத் 5.3 மற்றும் யுஎஸ்பி டைப் சி வழங்கப்பட்டுள்ளது. இந்த ஸ்மார்ட்போன் 5000 எம்ஏஹெச் பேட்டரி மூலம் சக்தியூட்டப்படுகிறது. மேலும் 18 வாட் பாஸ்ட் சார்ஜிங் வசதி உள்ளது.

வைப்ரண்ட் புளூ, ஸ்லீக் பிளாக், சேஜ் கிரீன் மற்றும் டிரீமி பர்பில் நிறங்களில் கிடைக்கும் புதிய ஹாட் 50 5ஜி ஸ்மார்ட்போனின் 4 ஜிபி ரேம் விலை ரூ. 9 ஆயிரத்து 999 என்றும் 8 ஜிபி ரேம் விலை ரூ. 10 ஆயிரத்து 999 என்றும் நிர்ணயம் செய்யப்பட்டு உள்ளது. விற்பனை செப்டம்பர் 9 ஆம் தேதி மதியம் 2 மணிக்கு துவங்குகிறது. 

ஹூவாய் நிறுவனம் வருகிற 10 ஆம் தேதி தனது புதிய மடிக்கக்கூடிய ஸ்மார்ட்போன் மாடலை அறிமுகம் செய்ய இருக்கிறது. செப்டம்பர் 9 ஆம் தேதி ஆப்பிள் நிறுவனம் தனது புதிய ஐபோன் மாடல்களை அறிமுகம் செய்ய இருக்கும் நிலையில், அதற்கு அடுத்த நாளிலேயே ஹூவாய் தனது மடிக்கக்கூடிய ஸ்மார்ட்போனை அறிமுகம் செய்கிறது.

புது மடிக்கக்கூடிய ஸ்மார்ட்போனின் வெளியீட்டை ஹூவாய் நிறுவனம் டீசர் மூலம் தெரியப்படுத்தி இருக்கிறது. அதன்படி இந்த மடிக்கக்கூடிய ஸ்மார்ட்போனை மூன்றாக மடிக்க முடியும் என்று தெரிகிறது. ஹூவாய் நிறுவனம் இத்தகைய ஸ்மார்ட்போனை வெளியிட இருப்பது அனைவரும் அறிந்தது தான்.

முன்னதாக ஹூவாய் நுகர்வோர் வியாபார பிரிவு தலைமை செயல் அதிகாரி ரிச்சர்ட் யு புதுவித மடிக்கக்கூடிய ஸ்மார்ட்போனை பயன்படுத்தும் புகைப்படங்கள் இணையத்தில் வெளியாகி வந்தது. தற்போது இதனை ஹூவாய் நிறுவனம் அதிகாரப்பூர்வமாக அறிவித்து இருக்கிறது.

இது தொடர்பான பதிவில் ரிச்சர்ட் யு, "ஐந்து ஆண்டுகள் விடாமுயற்சி மற்றும் தொடர்ச்சியான முதலீடுகளால், நாங்கள் அறிவியல் புனைவை நனவாக்கியுள்ளோம். இது ஹூவாயின் அதிநவீன, புதுமை மிக்க சாதனமாக இருக்கும்," என்று தெரிவித்தார். 

ஆப்பிள் நிறுவனம் தனது முற்றிலும் புதிய ஐபோன் மாடல்களை விரைவில் அறிமுகம் செய்ய இருக்கிறது. புதிய ஐபோன் 16 சீரிஸ் மாடல்கள் பற்றி ஏற்கனவே ஏராளமான தகவல்கள் வெளியான நிலையில், அடுத்த ஆண்டு அறிமுகம் செய்யப்பட இருக்கும் ஐபோன் 17 சீரிஸ் விவரங்கள் தற்போதே வெளியாக துவங்கிவிட்டன.

அதன்படி ஆப்பிள் வல்லுநரான மிங் சி கியூ வெளியிட்டுள்ள தகவல்களில், ஐபோன் 17 ப்ரோ மேக்ஸ் அம்சங்கள் இடம்பெற்றுள்ளது. இது அடுத்த ஆண்டு ஆப்பிள் அறிமுகம் செய்யும் புதிய ஐபோன் சீரிசில் விலை உயர்ந்த மாடலாக இருக்கும்.

புதிய ஐபோன் 17 ப்ரோ மேக்ஸ் மாடலில் அதிகபட்சம் 12 ஜிபி ரேம் வழங்கப்படும் என்று கியூ தெரிவித்துள்ளார். இந்த சீரிசில் அதிகபட்சம் ரேம் கொண்ட ஸ்மார்ட்போனாக இது இருக்கும் என்று அவர் மேலும் தெரிவித்தார்.

அடுத்த ஆண்டு அறிமுகமாகும் ஐபோன்கள், மிக மெல்லிய டிசைன் கொண்டிருக்கும். இந்த சீரிசில் ஐபோன் 17, ஐபோன் 17 ப்ரோ மற்றும் ஐபோன் SE4 போன்ற மாடல்கள் இடம்பெற்று இருக்கும். இவற்றில் அனைத்து மாடல்களிலும் குறைந்தபட்சம் 8 ஜிபி ரேம் வழங்கப்படும். இத்துடன் ஐபோன் 17 ப்ரோ மேக்ஸ் மாடலில் வேப்பர் சாம்பர் கூலிங் சிஸ்டம் வழங்கப்படும் என்று கியூ தெரிவித்தார்.