பயங்கர அம்சங்களுடன் அறிமுகமான யமஹா FZ X ஹைப்ரிட் - விலை எவ்வளவு தெரியுமா?

யமஹா நிறுவனம் இந்தியாவில் FZ X ஹைப்ரிட்டை ரூ.1.50 லட்சம் விலையில் அறிமுகம் செய்துள்ளது. இந்த புதிய மோட்டார்சைக்கிள் சமீபத்தில் அறிமுகம் செய்யப்பட்ட யமஹா FZ-S ஹைப்ரிட் மாடலில் இருந்து உத்வேகம் பெறுகிறது. இருப்பினும், இந்த நிறுனம் இப்போது எரிபொருள் திறன், செயல்திறன் மற்றும் வசதியை மேம்படுத்தும் அம்சங்களை கொண்டு வந்துள்ளது.

எஞ்சின் மற்றும் பவர்டிரெய்ன்:

யமஹா FZ X ஹைப்ரிட், மற்ற FZ மாடல்களிலிருந்து பவர் யூனிட்டை பெற்றிருக்கிறது. இது 149cc ஃபியூவல்-இன்ஜெக்ட் செய்யப்பட்ட 4-ஸ்டிரோக், SOHC, ஏர்-கூல்டு எஞ்சின் கொண்டுள்ளது. இந்த யூனிட் உடன் 5-ஸ்பீடு கியர்பாக்ஸ் வழங்கப்பட்டுள்ளது. இது 7,250rpm இல் 12.4 hp பவர் மற்றும் 5,500rpm இல் 13.3 Nm டார்க் வெளிப்படுத்தும் திறன் கொண்டது.

புதிய அம்சங்கள்:

யமஹா FZ X ஹைப்ரிட், ஸ்மார்ட் மோட்டார் ஜெனரேட்டர் (SMG) மற்றும் ஸ்டாப் & ஸ்டார்ட் சிஸ்டம் (SSS) போன்ற அம்சங்களுடன் வருகிறது. இந்த தொழில்நுட்பங்கள் பேட்டரி அசிஸ்ட் அக்செல்லரேஷன் மற்றும் மேம்படுத்தப்பட்ட எரிபொருள் செயல்திறனை வழங்குகின்றன. இது செயலற்ற நிலையில் இயந்திரத்தை தானாகவே அணைத்து, விரைவான கிளட்ச் செயல்பாட்டால் எஞ்சினை ரீஸ்டார்ட் செய்யும் வசதியை வழங்குகிறது.

இது Y-Connect செயலி மூலம் ஸ்மார்ட்போன்களுடன் எளிதாக இணைக்கும் புதிய 4.2-இன்ச் முழு-வண்ண TFT இன்ஸ்ட்ரூமென்ட் கிளஸ்டரையும் பெறுகிறது. இதனுடன், டர்ன்-பை-டர்ன் (TBT) நேவிகேஷன் கூகுள் மேப்ஸூடன் ஒருங்கிணைக்கப்பட்டுள்ளது. புதிய FZ X ஹைப்ரிட் டிராக்ஷன் கண்ட்ரோல் மற்றும் சிங்கில்-சேனல் ABS ஆகியவற்றையும் பெறுகிறது.

இந்திய விலை:

புதிய யமஹா FZ X ஹைப்ரிட் இந்தியாவில் ரூ.1,49,990 (எக்ஸ்-ஷோரூம்) விலையில் அறிமுகம் செய்யப்பட்டுள்ளது. இருப்பினும், வாடிக்கையாளர்கள் ரூ.1,29,990 (எக்ஸ்-ஷோரூம்) விலையில் கிடைக்கும் ஹைப்ரிட் அல்லாத FZ X-ஐயும் தேர்வு செய்யலாம்.