15 வருட பேட்டரி வாரண்டியுடன் டாடா நெக்சான் 45, கர்வ் இ.வி.

டாடா நிறுவனம் நெக்சான் 45 மற்றும் கர்வ் ஆகிய எலெக்ட்ரிக் கார்களை சந்தைப்படுத்தியுள்ளது. தற்போது இவற்றின் பேட்டரிகளுக்கு 15 ஆண்டு அல்லது வரம்பற்ற கிலோ மீட்டர்கள் வாரண்டி வழங்கப்பட்டுள்ளது. வாழ்நாள் கால வாரண்டி என்பது வாகனம் பதிவு செய்யப்பட்டதில் இருந்து 15 ஆண்டுகள் என கணக்கில் கொள்ளப்படும் என நிறுவனம் தரப்பில் கூறப்படுகிறது. இதற்கு முன்பு 8 ஆண்டு அல்லது 1.6 லட்சம் கிலோ மீட்டர் தூரம் வரை வாரண்டி வழங்கப்பட்டிருந்தது. புதிதாக டாடா இ.வி. வாங்குவோருக்கு மட்டுமே இந்த சலுகை கிடைக்கும் என கூறப்படுகிறது.

இது தவிர, லாயல்டி போனசாக டாடா இ.வி. வைத்திருப்போர் புதிய நெக்சான் இ.வி. 45 அல்லது கர்வ் இ.வி. வாங்கினால் ரூ.50 ஆயிரம் தள்ளுபடி சலுகை உண்டு எனவும் கூறப்பட்டுள்ளது. தொடக்க ஷோரூம் விலையாக டாடா கர்வ் சுமார் ரூ.17.49 லட்சம் எனவும், நெக்சான் இ.வி. சுமார் ரூ.12.49 லட்சம் எனவும் நிர்ணயம் செய்யப்பட்டுள்ளது.