இந்த வார ஓடிடி ரிலீஸ்!!

திரையுலகில் ஒவ்வொரு வாரமும் பல புதிய படங்கள் ரிலீசாகி வருகின்றன. கடந்த சில ஆண்டுகளில் ஓ.டி.டி. தளங்கள் அதிக பிரபலம் அடைந்துள்ளதை அடுத்து, பல படங்கள் ஓ.டி.டி.யில் வெளியிடப்பட்டு வருகின்றன. திரையரங்குகளை போலவே ஓ.டி.டி. தளங்களிலும் ஏராளமான படங்கள் வெளியாகி வருகின்றன. அந்த வகையில், இந்த வாரம் எந்த திரைப்படங்கள் மற்றும் தொடர்கள் எந்தெந்த ஓ.டி.டி தளங்களில் வெளியாக உள்ளன என்பதைக் காணலாம்.

'வீர தீர சூரன் 2'

சித்தா பட இயக்குனர் எஸ்.யு.அருண்குமார் இயக்கத்தில் விக்ரம் நடித்துள்ள படம் 'வீர தீர சூரன் 2'. இப்படத்தில் எஸ்.ஜே.சூர்யா, சுராஜ் வெஞ்சராமுடு, துஷாரா விஜயன் உள்ளிட்டோர் நடித்துள்ளனர். மதுரையை மையமாக வைத்து கேங்ஸ்டர் கதையில் உருவாகியுள்ள இப்படம் இன்று (24-ந் தேதி) அமேசான் பிரைம் ஓ.டி.டி தளத்தில் வெளியானது.

'எல் 2 எம்புரான்'

மோகன்லால் நடிப்பில், மலையாள நடிகர் பிருத்விராஜ் இயக்கத்தில் வெளியான படம் 'எல் 2 எம்புரான்'. இந்த படத்தில் மோகன் லால் ஸ்டீபன் நெடும்பள்ளி என்ற கதாபாத்திரத்தில் நடித்துள்ளார். மேலும் மஞ்சு வாரியர், டோவினோ தாமஸ் ஆகியோர் முக்கிய கதாபாத்திரங்களில் நடித்துள்ளனர். இப்படம் இன்று ஜியோ ஹாட்ஸ்டார் ஓ.டி.டி தளத்தில் வெளியானது.

'நிறம் மாறும் உலகில்'

அறிமுக இயக்குனர் பிரிட்டோ ஜே.பி இயக்கத்தில் பாரதி ராஜா நடிப்பில் வெளியான படம் 'நிறம் மாறும் உலகில்'. இந்த படத்தில் நட்டி,யோகி பாபு, ரியோ ராஜ், சாண்டி மாஸ்டர், சுரேஷ் மேனன், ஆடுகளம் நரேன், மைம் கோபி, வடிவுக்கரசி உள்ளிட்ட பலர் நடித்துள்ளனர். வாழ்க்கையில் உறவுகளின் அவசியத்தை, உணர்வுகளைப் பேசும் இப்படம் நாளை சன் நெக்ஸ்ட் ஓ.டி.டி தளத்தில் வெளியாக உள்ளது.

'மேட் ஸ்கொயர்'

கல்யாண் ஷங்கர் இயக்கத்தில் வெளியான படம் 'மேட் ஸ்கொயர்'. சித்தாரா எண்டர்டெயின்மெண்ட்ஸ் தயாரித்த இப்படத்தில் நர்னே நிதின், சங்கீத் ஷோபன், ராம் நிதின், ஸ்ரீ கவுரி பிரியா, அனனாதிகா சனில்குமார் உள்ளிட்டோர் நடித்துள்ளனர். நகைச்சுவை கதையில் உருவாகியுள்ள இப்படம் நாளை நெட்பிளிக்ஸ் ஓ.டி.டி.யில் வெளியாக உள்ளது.

'தி ரிட்டன்'

தி ரிட்டர்ன் என்பது உபெர்டோ பசோலினி இயக்கிய திரில்லர் திரைப்படமாகும். இதில் ரால்ப் பியன்னெஸ் மற்றும் ஜூலியட் பினோச் நடித்துள்ளனர். போரை பற்றிய கதையில் உருவாகியுள்ள இப்படம் கடந்த 21-ந் தேதி பாராமவுண்ட் பிளஸ் என்ற ஓ.டி.டி தளத்தில் வெளியாகி உள்ளது.

தருணம்

கிஷன் தாஸ் மற்றும் ஸ்மிருதி வெங்கட் நடிப்பில் கடந்த மாதன் வெளியானது தருணம் திரைப்படம். இப்படத்தை அறிமுக இயக்குநரான அர்விந்த் ஸ்ரீனிவாசன் இயக்கினார். இப்படம் ஒரு கிரைம் இன்வெஸ்டிகேஷன் கதைக்களமாக உருவானது. இப்படம் நாளை டெண்ட்கொட்டா ஓடிடி தளத்தில் வெளியாகவுள்ளது.

யூ

நெட்பிளிக்ஸ்-இல் அனைவரும் எதிர்ப்பார்த்த யூ-வின் கடைசி சீசன் நெட்பிளிக்ஸ் ஓடிடி தளத்தில் வெளியாகியுள்ளது. இத்தொடரில் பென் பேட்க்லே, சார்லட் ரிச்சி, மேடலின் ப்ரூவர் முன்னணி கதாப்பாத்திரத்தில் நடித்துள்ளனர்.

புல்லட் டிரெயின் எக்ஸ்ப்லோஷன்

டொக்யோவில் உள்ள புல்லட் டிரெயின் 100 கிலோமீட்டர் வேகத்துக்கு கீழ் சென்றால் வெடித்துவிடும் என்ற சூழ்நிலையில் கதைக்களம் உருவாகியுள்ளது. இப்படம் நெட்பிளிக்ஸ் ஓடிடி தளத்தில் வெளியாகியுள்ளது.

அதனை தொடர்ந்து 25-ந் தேதி (நாளை) 'ஹவாக், ஜுவல் தீப், பாமா கலாபம், ஆகிய படங்களும் வெளியாக உள்ளன.