பீகார் வாக்காளர் பட்டியலில் இருந்து 51 லட்சம் பெயர்களை நீக்கிய தேர்தல் ஆணையம்!

பீகார் வாக்காளர் பட்டியலில் இருந்து 52 லட்சம் பெயர்கள் நீக்கப்பட்டுள்ளதாக தேர்தல் ஆணையம் செவ்வாய்க்கிழமை அறிவித்துள்ளது.

இதற்கான காரணங்கள் வாக்காளர்களின் இறப்பு மற்றும் இடம்பெயர்வு ஆகும். வரைவு வாக்காளர் பட்டியலில் தகுதியான வாக்காளர்கள் சேர்க்கப்பட்டு ஆகஸ்ட் 1 ஆம் தேதி பட்டியல் வெளியிடப்படும் என்று ஆணையம் தனது அறிக்கையில் தெரிவித்துள்ளது.

அந்த அறிக்கையில், இதுவரை நடத்தப்பட்ட பீகார் வாக்காளர் பட்டியல் சிறப்பு திருத்தத்தில் 18 லட்சம் வாக்காளர்கள் இறந்துவிட்டதாகவும், 26 லட்சம் பேர் வெவ்வேறு தொகுதிகளுக்கு இடம்பெயர்ந்துள்ளதாகவும், 7 லட்சம் பேர் இரண்டு இடங்களில் தங்கள் பெயர்களைப் பதிவு செய்துள்ளதாகவும் குறிப்பிடப்பட்டுள்ளது.

பீகார் வாக்காளர் பட்டியல் சிறப்பு திருத்தம் செய்யும் தேர்தல் ஆணையத்தின் முடிவை எதிர்த்து எதிர்க்கட்சிகள் தொடர்ந்த வழக்கு தற்போது உச்சநீதிமன்றத்தில் விசாரணையில் உள்ளது. ஆனால் தேர்தல் ஆணையம் தான் மேற்கொண்ட செயல்முறை சட்டபூர்வமானது என்றும், அரசியலமைப்பின் 324வது பிரிவின்படி இந்தத் திட்டத்தை மேற்கொண்டுள்ளதாகவும் கூறுகிறது.