கனடா ஓபன் டென்னிஸ்: ஸ்வேரெவ்- மெட்வதேவ் 3-வது சுற்றுக்கு தகுதி

டொரன்டோ:

முன்னணி வீரர், வீராங்கனைகள் பங்கேற்றுள்ள கனடா ஓபன் சர்வதேச டென்னிஸ் போட்டி அங்குள்ள டொரண்டோ நகரில் நடைபெற்று வருகிறது.

இந்த தொடரில் ஆண்கள் ஒற்றையர் பிரிவில் இன்று நடைபெற்ற 2-வது சுற்று ஆட்டம் ஒன்றில் முன்னணி வீரரான அலெக்சாண்டர் ஸ்வேரெவ் (ஜெர்மனி), ஆஸ்திரேலியாவின் ஆடம் வால்டன் உடன் மோதினார்.

தொடக்கம் முதலே பரபரப்பாக நடைபெற்ற இந்த ஆட்டத்தில் அனுபவம் வாய்ந்த ஸ்வேரெவ் 7-6 (8-6), 6-4 என்ற புள்ளிக்கணக்கில் ஆடம் வால்டனை வீழ்த்தி 3-வது சுற்றுக்கு முன்னேறினார்.

மற்றொரு ஆட்டத்தில் மெட்வதேவ் (ரஷ்யா) மற்றும் டாலிபோர் ஸ்வ்ர்சினா (செக்) ஆகியோர் மோதினர். இந்த ஆட்டத்தில் மெட்வதேவ் 7-6 (7-3), 6-4 என்ற கணக்கில் வெற்றி பெற்று 3-வது சுற்றுக்கு முன்னேறினார்.